副刊

2018年11月18日

2018/11/09 (週五) 05:50上午

切忌做正能量怪 聽人訴苦的正確技巧

你身邊有無一個朋友,永遠都很樂觀正面,無論你同佢呻人生有幾攰都好,
佢都好鍾意同你講:「無事嘅,加油呀!」呢種人簡稱為正能量怪,正能量看似係好事,但當你強迫身邊人認同你個套嘅時候,其實係好討厭。唔想成為正能量怪,就要留意以下幾點:

第一步:聆聽
其實有時朋友搵你訴苦,無論係因為咩原因而唔開心,你可以幫到、改變到嘅其實好少,即使你如何長篇大論,想用正能量去令對方改變根本無咩可能。但有一樣嘢你絕對可以做到,就係聆聽對方嘅煩惱。

第二步:分析或認同
對方搵得你討論,其中一個原因其實可能需要你嘅意見。你可以表達自己對事情嘅睇法,以及你會點樣做,但就要避免用一些責怪的字眼,畢竟件事都發生咗,你責怪只會令對方更加後悔及難受。而有些人搵朋友訴苦,其實只係想有人認同佢嘅睇法及做法。

第三步:支持
呢樣先至係訴苦的重點,其實某程度上,都只係想心理好過一啲。如果你只係不停叫佢加油,對方聽唔入耳,又感到難受,咁不如靜靜地喺度,支持以及陪伴,反而對方會感到更舒服。切記,唔好將自己嘅睇法強加於人哋身上!