娛樂

2018年12月20日

2016/11/04 (週五) 12:00上午

八時入席 後花園的小太監

雖然話少了人看電視,但亦不得不承認TVB的劇集依然有影響力。
好像處境劇《愛·回家》系列已陪伴大家多年,目前的《愛·回家之八時入席》快一年了,主角黎耀祥、毛舜筠以外,劇中的一些小角色如:十仔(馬貫東)、阿潼(周嘉洛)、Terry(李偉健)、林禾(吳偉豪)、道具明(李霖恩)、阿齊(阮政峰)、招偉(胡渭康)都成功吸了不少師奶粉絲。而這班大男孩更在早前自發組成「後花園的小太監」,在facebook、Instagram、微博中繼續發放搞笑短片,吸粉力高,且引來不少關注呢。

帶歡笑畀大家
拍處境劇,工作時候像上班一族,所以約「後花園的小太監」飯局,也要晚上。
這晚八時入席,和五位骨幹「小太監」:馬貫東、周嘉洛、吳偉豪、李偉健、阮政峰、李霖恩齊齊到「倫哥私房菜」吃雞煲、打邊爐。
「倫哥私房菜」是藝員杜大偉與友人合資,目前已有多家分店,而觀塘這家位於工廈內,只是做晚市,又有獨立房間,深得藝人及附近一帶上班一族的喜愛。
「我之前嚟過,然後同過阿東嚟,呢度啲雞煲好好食同埋有房,點玩點食都唔錯。」「大細路」李霖恩首先說話。在「後花園的小太監」中,李霖恩是年資比較深的一個,他自言與這班後生仔在一起,令自己充滿活力。
「我由功夫新星入行,而加入咗《八時入席》最大嘅得着,唔只係喺劇中、劇外都有霖恩呢位好師傅,佢好有Heart,其實佢團火比我哋大,我同佢一齊,日日都喺度學嘢。」阮政峰說。
未至滴血為盟,但可以聚在一起,實在不易。「我哋都冇隔膜,喺呢套戲裏面我哋又會有人加入、甚至祥哥(黎耀祥)、毛姐(毛舜筠) 都會同我哋一起拍片,放上我哋小太監嘅專頁。」李霖恩說:「社會上有好多嘮叨,我哋『後花園的小太監』拍嘅短片,好希望可以帶畀大家歡笑。」

做好眼前再算
翻看「後花園的小太監」的短片,的確歡樂。而周嘉洛通常是被戲弄的一個。他們齊聲話:「我哋好明白喺一Team人之中,一定要有一個下把位,咁樣先至可以搞氣氛,令觀眾睇得開心,而呢個下把位,反而可以吸引很多觀眾。」
周嘉洛說:「喺啲短片裏面,我被欺凌、或者見我好搞鬼,其實我宅到不得了!係佢哋令我釋放咗另一個我出來,呵呵!」至於最年輕、現年18歲的吳偉豪,去年才從TVB第28期無綫電視藝員訓練班畢業,在《八時入席》戲分較少,但他開朗地告訴我:「讀訓練班嗰時,旦哥(鄭丹瑞)同我哋講依家有咩都唔好怕盡量去做去演,有得做呢套劇,睇住班前輩點去演每個角色、演繹每一個場口,都係個好好嘅學嘢機會,已經係最大嘅得着。」
論學到嘢,在劇中常在黎耀祥身邊出入的馬貫東,應該獲益最多,「拍到《八時入席》真係幸運,同祥哥有極多對手戲,佢教咗我好多嘢,依家我出到街好多人都叫我『十仔』,真係好開心。同埋又有呢班咁啱傾嘅小太監,確係非常感恩!」馬貫東十仔上身,對比其他小太監說得最認真。
據說《愛・回家之八時入席》播到年底便完,那麼「後花園的小太監」的去向呢?五位小太監靜一靜,然後說:「盡量做好眼前嘅先再諗!」是的,活好當下!

倫哥私房菜
地址:觀塘鴻圖道76號聯運工業大廈
電話:5546 6499/6209 3572
無限時任食海鮮火鍋收費:約$278/位,包括茶芥、湯底及火鍋料,另收加一服務費。逢星期五至日、假期及其前夕每位加收$10;65歲或以上長者、5至11歲兒童半價,4歲以下免費。
泊車:鴻圖道明順大廈停車場
營業時間:18:00-00:00

撰文:Carrie Yip (carrieyip@msn.com)
攝影:David Lee@chinapixel
美術:Ronnie Cheung

主持
Carrie葉嘉儀
傳媒人。喜歡「吃」,皆因非只飽足五臟,更可透看人情。