即時

2019年6月27日

2017/03/15 (週三) 01:21上午

余香凝遇車禍恐破相 陳家樂:會照顧佢一世

早年於台中拍戲「炒車」的陳家樂前晚再發生車禍!當晚駕車接女友余香凝收工的他,途經吐露港公路被另一架車追尾撞到架車爆玻璃兼冒煙,其座駕當場報銷之餘,女友亦受傷送院!事後鼻骨裂兼擦傷面頰及眼角的余香凝自爆破相,陳家樂即發表愛的宣言:「會照顧佢一世!」

陳家樂於14年為電影《破風》飛赴台中拍攝踩單車戲,結果開工期間因不慎「炒車」倒地受傷而要送院治療。沒想到事隔兩年多,陳家樂前晚於吐露港公路再次遇上車禍,除了自己扭傷頸外,女友余香凝亦撞至鼻骨裂、右邊面頰及眼角擦傷,更恐會留下疤痕!事緣當晚陳家樂駕車接女友收工,二人本來打算去食飯,豈料車輛在吐露港公路行駛時,被另一架車以高速從後撞上,令陳家樂的座駕被推撞到衝向前方石壆,結果導致余香凝受傷送院,就連撞到玻璃碎晒兼冒煙的車也要報銷!

搭的士有陰影

陳家樂昨日出席活動,受訪時憶述事發經過,稱煞停車輛後睇到女友流鼻血兼手腳擦傷,自己則感到脊椎位置有點不適,愛錫女友的他即發表愛的宣言:「好擔心女友情況,如果有咩事會照顧佢一世。」 直至昨晚,余香凝在男友陪同下到醫院覆診,她坦言擔心未能出席下月9日舉行的金像獎頒獎禮,講述事件仍猶有餘悸,更眼泛淚光指搭的士都有陰影,余香凝續說:「醫生唔擔保會唔會留疤痕,同埋塊面4月9號會唔會好番晒,但最緊要人無事,希望到時會好番。」據知她需要休養4至6星期,之後的工作亦被迫延遲,估計損失約6位數字。陳家樂表示事後警察亦趕到現場,對方司機也願意賠償及負責任,又稱暫時不會買車及駕車。

https://www.facebook.com/jenniferyuuu

;