即時

2018年9月25日

2018/06/15 (週五) 01:43上午

余香凝狠飛陳家樂維護「新歡」 稱分手不涉第三者

憑無綫劇《逆緣》「爺爺」一角成功入屋的陳家樂,與圈內女友余香凝拍拖3年多,一向愛得高調,不過原來兩人最近已分手,有報道指是女方疑似偷食,而「新歡」正是有「模特兒殺手」之稱的保險經理Victor,陳家樂被問及此事時,含淚回應。余香凝昨日殘爆現身回應,強調分手絕對不牽涉第三者,自己與陳家樂是因「無法達成共識」而分開 。

陳家樂與余香凝拍拖3年多,家樂多次表示視女友為結婚對象,去年余香凝遇上嚴重車禍,家樂更承諾會照顧她一生一世,連戒指都準備好。不過如今兩人此情不再,余香凝被周刊拍到與從事保險的Victor過從甚密,又到男方寓所留宿,而周刊向家樂求證時,他直指不認識Victor,又全程眼濕濕表示:「我已經同佢分咗手。」前晚他再接受訪問道:「佢係我最好嘅朋友,佢令我成長咗好多,我會祝福佢。」

否認拜金

余香凝昨日亦特意會見傳媒澄清事件,她解釋兩人分開了差不多一個月,是有共識分開,因為拍拖多年都「無辦法達成一個共識」,問到是否指結婚?她則避談說:「想留番啲空間畀我哋。」余香凝又強調自己從來冇打算消費家樂,並謂:「我係一個好獨立女仔,絕對唔係報道所講用佢錢、貪名牌,我一直以嚟自己搵錢、自己養屋企人,我同家樂係財政獨立。」

承認過夜

一再強調分手絕不牽涉第三者的余香凝說:「最近我同Victor夾份搞一間食肆,亦有其他生意夥伴,每次開會都唔係得我哋兩個,舖頭月底就開張,所以做完嘢幾夜都好,我都會上去開會。上面係有佢屋企人,有其他生意夥伴 。(真係有過夜?)有試過開通宵。」至於與Victor有否發展機會,她則表示:「其實唔會去諗呢樣嘢,因為同佢真係冇任何嘢 。(傳佢係Model殺手?)我覺得對佢好大影響,始終拉咗一個唔關事嘅人入嚟,我想同佢講對唔住。」此外,昨晚余香凝公司向傳媒發出聲明,近日指余香凝「偷食」及「一腳踏兩船」的失實報道,嚴重影響余香凝的形象與聲譽,公司將保留一切追究權利與法律責任,並強調女方與陳家樂是有共識下分手。