娛樂

2017年6月23日

2017/02/17 (週五) 12:00上午

事隔20年忽然回巢 張衞健唔計酬勞拍台慶劇

暌違無綫20年的張衞健昨日正式宣布回巢拍劇,為隆重其事,無綫昨日於酒店舉行簽約儀式,更獲兩大高層曾勵珍(珍姐)與樂易玲傍實行紅地毯,認真有Face!雖然張衞健自爆當年續約傾唔掂數,但今次為答謝「母校」與港迷,亦不計酬勞重返無綫。

張衞健(Dicky)即將回巢拍攝50周年台慶劇《大帥哥》,他笑言上一次隆重簽字已是結婚的時候,今次則有兩位女士陪伴,不過珍姐卻搞笑更正指:「兩條阿嬋(嬸)。」但Dicky就不忘賣口乖大讚對方風韻猶存。提到洽談片酬的過程,與Dicky相識逾30年的珍姐打趣道:「使乜傾,信我咪得!」並謂今次開價已很高,雖然對方當時「吓」了一聲。Dicky又憶述離巢往事,自爆當年拍畢《西遊記》,因價錢未如理想而拒續約。
回巢三大原因
講到返無綫的三大原因,他解釋全是圍繞一個「情」字。適逢今年乃無綫50周年,作為親生仔亦感激公司栽培;其次,近年將重心轉移內地發展的張衞健,希望用廣東話拍一部劇來回饋香港市民,一圓心願。第三點,是要答謝生命中其中一位重要的女人──珍姐,他笑謂:「珍姐睇住我長大,佢連我喺TVB溝過幾多條女都知,但佢從來冇迫我回巢,今次係重大日子,佢親自邀請就二話不說答應。」此外,Dicky重返「母校」的首部大作,居然由演技屢受批評的蔡思貝擔任女主角,其餘卡士則有洪永城、曹永廉、徐榮和譚凱琪等。