娛樂

2017年4月28日

2017/03/21 (週二) 12:00上午

【明抽暗寸】周杰倫 着三角褲晒玉腿?

周杰倫(周董)好勁呀!衝出亞洲去倫敦開演唱會,啲飛仲要好賣過外國歌手,不過都唔及佢對美腿咁勁!周董喺facebook Post咗佢嘅演唱會相,喂,點解上身着棒球褸、下身着三角褲嘅?好似唔係好襯喎……P圖嚟㗎?周董都話以為係歌迷幫佢整嘅合成相嚟㗎,仲話:「笑死我!」但原來只係咁啱個Dancer烏低咗身,又咁啱遮住咗周董對腳,咪搞成咁囉!其實呢個情況都唔係第一次出現,有歌迷都Cap返之前喺其他活動嘅相,周董個身同Dancer對腳又係無縫接軌㗎,不過最心水清都算係以下呢個歌迷喇,佢留言:「我就奇怪,你明明就不穿內褲啊!」咪係囉,周董已經唔止一次公開講過自己鍾意「讓小鳥飛」,唔慣着底褲,連小S都當場檢查過㗎,所以台上面嗰對毛都冇條嘅白滑玉腿又點會係佢嚟呢?