娛樂

2017年1月20日

2017/01/12 (週四) 12:09上午

【明抽暗寸】何炅爆陳冠希黑面原因

陳冠希(Edison)黑面,絕對唔係新聞,佢好聲好氣你先驚啦!但內地主持何炅最近就自爆一次瘀到核爆嘅經歷。好多年前,何炅曾經訪問過Edison,但對方全程黑面,好不屑咁笑,其實都唔意外吖!不過話晒錄緊節目,好似唔係咁禮貌囉,何炅錄完之後就抵唔住頸同Edison講,話你雖然好紅啫,但你上嚟做嘉賓,我尊重你時,你都應該尊重番我哋吖!不過,大家一定估唔到Edison點答,佢話:「因為你今天全程叫我陳奕迅(Eason)。」媽,真係尷尬到想搵窿捐!係咪即刻覺得Edison EQ都唔係太低?何炅仲話自己懶醒咁,每當讀到英文名嗰陣,自動幫佢由Edison譯做Eason。更瘀嘅係,完騷之後,何炅要一個人留低,做乜?佢話:「配音,就是要用不同語速、音量和腔調去讀陳冠希,冠希……特別丟臉。」